Thursday, May 27, 2010

නෝ ටූ වර්ඩ්ස්....


මට මේ කථාව මතක් උනේ ඊයෙ පෙරේදා පිටකොටුවෙදි බස් එකක් හොය හොය හිටපු සුද්දො දෙන්නෙක් දැකල.

මේ සිද්ධිය උනේ මම AL කරල ගෙදර ඉන්න කාලෙ. ඔය කාලෙ යාලුවො කට්ටියක් එක්ක බම්බලපිටියට ආවා class එකකට. ඉතින් එදා ගෙදර යන්න කියල මම පිටකොටුවට ආව. ඇවිත් 228/224 බස් නවත්වන තැනට ඇවිල්ල බස් එකට නගින්න හදන කොට මම දැක්කා යුරෝපීය ජාතිකයෙක්(රට මොකක්ද කියන්න තරම් මම විදේශිකයන් ගැන දන්නෙ නෑ.) එතන හිටපු බස් වලට නැගල කඩල විකුණන වෙලෙන්දෙක් ගෙන් එයාට යන්න ඕන තැනට යන විදිය අහනවා. ඉතින් ඕකට අර වෙලෙන්දත් උත්තරයක් දුන්න බව පෙනුනා. මම ඉතින් ඉස්සෙල්ලා යන බව පෙනුනු 224 බස් එකට නැග්ගා. පස්සෙ අර මහත්මයත් ඒ බස් එකටම නැග්ගා(ඔහුට නිකන්ම සුද්දෙක් කියන්න හිතෙන්නෙ නැත්තෙ ඔහුගෙ තිබ්බෙ ඒ තරම් ශාන්ත පෙනුමක් නිසා. ඔහු විදේශිකයෙක් උනත් හිටියෙ සරමකින් හා කමිසයකින් සැරසිලා. හිස සම්පූර්ණයෙන්ම මුඩු කරල. ඇ‍දුමෙන් හැරුනහම ඔහුගෙන් දිස් වුනේ හාමුදුරු නමකගේ පෙනුමක්. ඔහු නැග්ග බස් එක නිසා මට සිතුනා මොහු කඳුබොඩ භාවනා මධ්‍යස්ථානෙට හෝ ඒ අසල ආර්න්‍යයකට යන පුද්ගලයකු විය හැකියි කියල.

ඉතින් මේ මහත්මයත් බස් එකේ ඉඳ ගත්තා. අර කඩල වෙලෙන්දත් පස්සෙ බස් එකට නැග්ගා කඩල විකුණන්න. කඩල වෙලෙන්ඳ ලං වුනාම අර මහත්මය ආයෙ මොනවද ඇහුවා, මම හිතන්නෙ ඔහු යන්නෙ නිවැරදි බස් එකේ බව තහවුරු කරගන්න වෙන්න ඕනෙ. හොඳම හරිය තියෙන්නෙ කඩල වෙලෙන්ද බස් එකටම ඇහෙන්න දීපු උත්තරේ… මිනිහ කිව්ව.. “ යර්ස්, යර්ස්… ශ්‍රී ලංකන් පීපල් ඔන්ලි වන් වර්ඩ් පීපල්, නෝ ටූ වර්ඩ්” කියල….. ඕක ඇහුනහම අර මහත්මයටත් යන්තමින් හිනා ගිය බව මම දැක්කා. කඩල විකුනන්නට කියන්න ඕන වෙලා තිබ්බෙ ලංකාවෙ මිනිස්සු වචනයක් කිව්වොත් කිව්වම තමයි, ආයෙ වචන දෙකක් නෑ කියල වෙන්න ඇති.

මේ කථාව කිව්වෙ අර මනුස්සයගෙ ඉංග්‍රීසි දැනුමට අපහාස කරන්න එහෙම නෙමේ. එයා ඒක පරිවර්ථනය කරපු අපූරුව පෙන්නන්න.. ඉංග්‍රීසි අපේ මවු භාශාව නෙමෙයිනෙ…. අනික සුදුවට හිටියට ගොඩක් සුද්දන්ටත් ඉංග්‍රීසි බෑනෙ.

4 comments:

Sanj said...

හැබැයි එයාගෙ වෘත්තියෙ හැටිය‍ට එයාගෙ ඉංග්‍රීසි දැනුම ගොඩක් හොඳයි නේද? භාශාව තියෙන්නෙ සන්නිවේදනයටනේ, ඉතින් කොහොම හරි අදහස නිවැරදිව සන්නිවේදනය උනානම් එච්චරයිනෙ....

නිසල ලියමු ලියමු තව කථාවක්....

Unknown said...

මිනිහෙක්ගේ රැකියාවෙන් නෙමෙයි මිනිහගේ දැනුම මනින්නේ.... ත්‍රීවීල් හයර් කරන උපාධිධාරීන් ඉන්න රටක් මේක .....

ජිවිතය said...

ubatath mara dewala thama wenne ne

Chathura Jeewaka Jayalath said...

මචන්, ඔය මහ ලොකු ඉංගිරිසිය ලොකු, අපේ රටවල් ( ලංකාව , ඉන්දියාව වගේ සුද්දන්ට ගැති, බොහෝ විට ඉස්සර සුද්දන්ට යටත් වෙල ඉදපු රටවල් ) වල ඉන්න සුද්දන්ට කඹුරන ගොං හැත්තට විතරයි. සුදු එවුන් ඔව ගැන ඔහොම හිතන්නෙ නෑ. ඔනෙම බලවත් රටක් ( වෙනත් සුද්දෙක්ට හෝ මොකෙක්ට හරි ගැති කමක් නැති රටවල් ) තමන්ගෙ රාජ්‍ය භාෂාවට තමයි ගරු කරන්නේ.
මගේම වචනයෙන් කිව්වොත් අපි කරන සුද්දො නොකරන දේ ( ඒක මොකද්ද කියල දන්නවනෙ ) උන් නොකර ඉන්නෙ, ඔය අපෙ රටවල් වල ඉන්න බූරු හැත්ත තමන් ඒක නොකළත් උන්ට ඒක කරල දෙන නිසා.. සුද්දොන්ගෙ * * එවුන් ඉන්නකල් මේ රටට හෙන ගහන එක තමයි වෙන්නෙ...

LinkWithin

Related Posts with Thumbnails

කොහෙද කට්ටිය ඉන්නෙ